Kosmonavtikanın inkişafında mühüm xidmətləri ilə tanınan görkəmli alim və hərbi xadim, general-leytenant Kərim Kərimovin xatirəsi əbədiləşdiriləcək.

Abatv.az xəbər verir ki, bununla bağlı Baş nazir Əli Əsədov müvafiq qərar imzalayıb.

Qərara əsasən, Azərbaycan Respublikasının Mədəniyyət Nazirliyinə və Bakı Şəhər İcra Hakimiyyətinə Kərim Kərimovun Bakı şəhəri, Zərgərpalan küçəsi 16 ünvanında yerləşən və vaxtilə yaşadığı binaya xatirə lövhəsinin vurulmasının təmin edilməsi tapşırılıb.

Qeyd edək ki, Kərim Kərimov kosmonavtika sahəsinin inkişafına verdiyi mühüm töhfələr və hərbi-elmi fəaliyyəti ilə tanınan görkəmli şəxsiyyətlərdən biri olub. Xatirə lövhəsinin vurulması onun zəngin irsinin gələcək nəsillərə çatdırılması məqsədi daşıyır.