Şuşa Şəhər Polis Şöbəsinin rəis müavini, polis mayoru Fərəc Yusif oğlu Həsrətov vəfat edib.

Abatv.az xəbər verir ki, Fərəc Həsrətov təxminən bir ay əvvəl xidməti vəzifəsini yerinə yetirərkən bədbəxt hadisə ilə üzləşib. O, Şuşanın Daşaltı kəndində oğurluq faktı ilə bağlı əraziyə baxış keçirən zaman elektrik cərəyanının təsirinə məruz qalaraq ağır xəsarətlər alıb.

Xəstəxanaya çatdırılan polis mayorunun həyatını xilas etmək üçün həkimlər tərəfindən zəruri tibbi müdaxilələr həyata keçirilib. Aldığı ağır xəsarətlər səbəbindən onun hər iki qolu amputasiya olunub.

Uzun müddət müalicə alan Fərəc Həsrətov oktyabrın 18-də xəstəxanada dünyasını dəyişib. 

Allah rəhmət eləsin!