Şəmkirdə Dövlət Sərhəd Xidmətinin (DSX) hərbi qulluqçusu Orxan Şabanovun ölümü ilə bağlı iki hərbçi həbs edilib.

Abatv.az xəbər verir ki, hadisə ilə əlaqədar DSX-nin iki hərbi qulluqçusu şübhəli bilinərək saxlanılıb və istintaqa təhvil verilib. Faktla bağlı cinayət işi başlanılıb, saxlanılan şəxslər barəsində həbs qətimkan tədbiri seçilib.

Qeyd edək ki, Lənkəran şəhərindən olan Orxan Şabanov oktyabrın 13-də xidmət etdiyi Şəmkirdəki hərbi hissədə aldığı güllə yarasından vəfat edib. O, 1 il 3 ay hərbi xidmət keçib və oktyabrın 14-də Lənkəranda dəfn olunub.

Hazırda hadisənin başvermə şəraiti və səbəbləri ilə bağlı istintaq araşdırmaları davam etdirilir.