Paytaxtın Səbail rayonu ərazisində ictimai asayişi pozaraq vətəndaşların istirahətinə mane olan, sosial şəbəkələrdə paylaşmaq məqsədilə həvəskar çəkilişlər təşkil edən şəxslər polis əməkdaşları tərəfindən saxlanılıblar.

Məlumata görə, aparılan araşdırmalar nəticəsində həmin şəxslərin 2006-cı il təvəllüdlü Pərvanə Muxtarova, 1997-ci il təvəllüdlü Malik Bədəlov və 2002-ci il təvəllüdlü Cavid Ələkbərov olduqları müəyyən edilib.

Toplanmış materiallar məhkəməyə təqdim olunub və məhkəmənin qərarı ilə hər üç şəxs barəsində 8 sutka müddətinə inzibati həbs qərarı çıxarılıb.

Qeyd edək ki, saxlanılan şəxslərdən Pərvanə Muxtarova "TikTok" sosial şəbəkəsində "Limon turşusu" adı ilə tanınır.

Hüquq-mühafizə orqanları vətəndaşlara bir daha xatırladır ki, ictimai yerlərdə asayişin pozulması, insanların rahatlığını pozan hərəkətlər və bu kimi halların sosial media naminə təşkili qanunvericiliyə uyğun olaraq hüquqi məsuliyyət yaradır.