40 ilə yaxın Azərbaycan Hərbi Dəniz Qüvvələrində müxtəlif məsul vəzifələrdə xidmət etmiş ehtiyatda olan polkovnik Səttar Qəzənfər oğlu Manafov vəfat edib.

ABATV.az xəbər verir ki, Səttar Manafov uzun illər Hərbi Dəniz Qüvvələrində müxtəlif vəzifələrdə xidmət göstərib. O, eyni zamanda Azərbaycan Ali Hərbi Dənizçilik Məktəbində kafedra müdiri və Təlim-Tədris Mərkəzinin rəisi kimi məsul vəzifələrdə çalışaraq hərbi təhsilin inkişafına töhfə verib.

Səttar Manafov həmçinin Birinci Qarabağ müharibəsinin iştirakçısı olub və Vətən qarşısındakı xidmətləri ilə hər zaman hörmət qazanıb.

Mərhum doğulduğu Neftçala şəhərində torpağa tapşırılıb.

ABATV.az kollektivi ehtiyatda olan polkovnik Səttar Manafovun vəfatından kədərləndiyini bildirir, mərhumun ailəsinə, yaxınlarına və onu tanıyan hər kəsə dərin hüznlə başsağlığı verir.

Allah rəhmət eləsin.