Yaponiyanın Baş naziri Sanae Takaiçi Kumamoto prefekturasında baş vermiş dağıdıcı zəlzələdən sonra başsağlığı verən və yardım təklif edən ölkələrə, o cümlədən Azərbaycana təşəkkürünü ifadə edib.

Baş nazir bildirib ki, zəlzələdən sonra dünyanın müxtəlif ölkələrindən, regionlarından və beynəlxalq təşkilatlardan Yaponiyaya çoxsaylı başsağlığı mesajları və konkret yardım təklifləri daxil olub.

"Kumamoto zəlzələsi ilə əlaqədar bu günə qədər dünyanın bir çox ölkə və regionlarının sakinlərindən, eləcə də beynəlxalq təşkilatlardan səmimi başsağlığı mesajları və konkret yardım təklifləri almışıq. Fürsətdən istifadə edərək bir daha dərin minnətdarlığımı bildirmək istəyirəm", – deyə Sanae Takaiçi vurğulayıb.

Yaponiya hökumətinin başçısı Azərbaycan da daxil olmaqla, 50-dən çox ölkəyə göstərdikləri həmrəylik və dəstəyə görə təşəkkür edib.

Qeyd edək ki, iyulun 28-də Yaponiyanın Küsü adasında yerləşən Kumamoto prefekturası yaxınlığında 7,1 maqnitudalı güclü zəlzələ baş verib. Təbii fəlakət nəticəsində ciddi dağıntılar qeydə alınıb və genişmiqyaslı xilasetmə işləri həyata keçirilib.