"Vahid Hasano" kimi tanınan bloqer Vahid Həsənovun idarə etdiyi avtomobil yol-nəqliyyat hadisəsinə məruz qalıb.

Abatv.az xəbər verir ki, qəza bloqerin kampa getdiyi zaman baş verib.

İlkin məlumata görə, Vahid Həsənov "Toyota" markalı avtomobillə hərəkətdə olarkən nəqliyyat vasitəsinin sükan mexanizmi qaynaq yerindən qopub. Nəticədə sürücü avtomobilə nəzarəti itirib və maşın aşıb.

Hadisə nəticəsində xoşbəxtlikdən xəsarət alan olmayıb.

Qeyd edək ki, Vahid Həsənov bundan iki ay əvvəl həyat yoldaşı ilə birlikdə Tailandda da yol-nəqliyyat hadisəsi keçirmişdi.