Xankəndi şəhərində azyaşlının xəsarət alması ilə nəticələnən bədbəxt hadisə baş verib.

Hadisə zamanı 4 yaşlı uşaq yaşayış binasının üçüncü mərtəbəsindən yıxılıb.

İlkin məlumata görə, hadisə nəticəsində müxtəlif xəsarətlər alan azyaşlı təcili tibbi yardım göstərildikdən sonra xəstəxanaya yerləşdirilib. Onun vəziyyətinin ağır olduğu bildirilir.

Hadisə ilə bağlı əraziyə polis əməkdaşları cəlb olunub. Faktla bağlı araşdırma aparılır.

Hadisənin başvermə səbəbləri və digər təfərrüatlar araşdırmanın nəticələrinə uyğun olaraq müəyyənləşdiriləcək.