İsmayıllı rayonunun Topçu kəndi ərazisində ölümlə nəticələnən ağır yol-nəqliyyat hadisəsi baş verib.

Abatv.az xəbər verir ki, Fövqəladə Hallar Nazirliyinin "112" qaynar telefon xəttinə qəza baş verməsi və bir nəfərin avtomobildə sıxılı vəziyyətdə qalması barədə məlumat daxil olub.

Məlumat əsasında dərhal FHN-in Dövlət Yanğından Mühafizə Xidmətinin İsmayıllı Rayon Yanğından Mühafizə Hissəsinin yanğınsöndürən-xilasediciləri hadisə yerinə cəlb olunublar.

Əməliyyat şəraiti qiymətləndirilərkən "Opel" markalı minik avtomobili ilə "Honda" markalı motosikletin toqquşduğu müəyyən edilib. Qəza nəticəsində motosikletin sürücüsü deformasiyaya uğramış nəqliyyat vasitəsində sıxılı vəziyyətdə qalıb.

Yanğınsöndürən-xilasedicilər xüsusi vasitələrin köməyi ilə sürücünün meyitini nəqliyyat vasitəsindən çıxararaq aidiyyəti üzrə təhvil veriblər.

Qəza nəticəsində ümumilikdə üç nəfər həyatını itirib. Onlardan ikisi "Opel" markalı avtomobildə olan şəxslər, biri isə motosikletin sürücüsüdür.

Faktla bağlı müvafiq qurumlar tərəfindən araşdırma aparılır.