Gəncə şəhərində vətəndaşın çay dərəsinə yıxılması ilə nəticələnən hadisə baş verib.

Abatv.az xəbər verir ki, bu barədə Fövqəladə Hallar Nazirliyi məlumat yayıb.

Bildirilib ki, Gəncə şəhəri ərazisində bir nəfərin Gəncə çayına yıxılaraq köməksiz vəziyyətdə qalması barədə daxil olan məlumat əsasında dərhal FHN-in Gəncə Regional Mərkəzinin xilasediciləri hadisə yerinə cəlb olunublar.

Əməliyyat şəraiti qiymətləndirilərkən müəyyən edilib ki, 1988-ci il təvəllüdlü Şirinov Qoşqar Arif oğlu ehtiyatsızlıq nəticəsində çay dərəsinə yıxılıb, müxtəlif bədən xəsarətləri alaraq köməksiz vəziyyətdə qalıb.

Xilasedicilər xüsusi avadanlıqlardan istifadə etməklə vətəndaşı çay dərəsindən çıxarıb təcili tibbi yardım briqadasına təhvil veriblər.

Faktla bağlı müvafiq araşdırma aparılır.