2026-cı il futbol üzrə dünya çempionatının qalibi müəyyənləşib. ABŞ-nin Nyu-Cersi ştatının İst-Raterford şəhərində yerləşən "MetLife" stadionunda keçirilən final qarşılaşmasında İspaniya millisi Argentina yığmasını məğlub edərək dünya çempionu olub.

Matçın əsas vaxtı qolsuz bərabərliklə yekunlaşıb. Qarşılaşmanın taleyi əlavə vaxtda həll olunub. İspaniya millisinin hücumçusu Ferran Torres 116-cı dəqiqədə vurduğu qolla komandasına qələbə qazandırıb və yığmasını dünya çempionu edib.

Görüşün dramatik məqamlarından biri isə Argentina millisinin futbolçusu Entso Fernandesin 90+3-cü dəqiqədə birbaşa qırmızı vərəqə alaraq meydandan qovulması olub. Bununla da Argentina oyunun son hissəsini 10 nəfərlə davam etdirib.

80 633 tamaşaçı tutumuna malik "MetLife" stadionunda keçirilən finalı minlərlə azarkeşlə yanaşı, ABŞ Prezidenti Donald Tramp və FIFA prezidenti Canni İnfantino da tribunadan izləyiblər.

Bu nəticə ilə İspaniya tarixində ikinci dəfə futbol üzrə dünya çempionu adına sahib çıxıb. Argentina isə turniri gümüş medallarla başa vurub.

Dünya çempionatı – Final

İspaniya 1:0 Argentina

Qol: Ferran Torres, 116.