"Verildiyi, dayandırıldığı, bərpa və ya ləğv edildiyi barədə Azərbaycan Respublikasının Dövlət Gömrük Komitəsinə məlumat göndərilməli olan lisenziyaların və icazələrin Siyahısı"nda dəyişiklik edilib.

Abatv.az xəbər verir ki, bununla bağlı Baş nazir Əli Əsədov müvafiq qərar imzalayıb.

Qərara əsasən, Dövlət Gömrük Komitəsinə məlumat göndərilməsi tələb olunan icazələrin siyahısından "standart nümunələrin və ya ölçmə vasitələrinin tipinin təsdiq edilməsi haqqında sertifikat" çıxarılıb.

Beləliklə, qeyd olunan sertifikat artıq sözügedən siyahıda yer almayacaq və onunla bağlı Dövlət Gömrük Komitəsinə məlumat göndərilməsi tələbi tətbiq edilməyəcək.

Qərarın qüvvəyə minməsi ilə əlaqədar aidiyyəti qurumların fəaliyyətini yeni tələblərə uyğun təşkil edəcəyi gözlənilir.