"Azəriqaz"da yeni departament yaradılıb, rəhbər təyin olunub
"Azəriqaz" İstehsalat Birliyində struktur dəyişikliyi həyata keçirilib.
Abatv.az xəbər verir ki, qurumun Texniki İstismar şöbəsi ləğv edilib və onun bazasında "Azəriqaz"ın aparatında İstismar Departamenti yaradılıb.
Məlumata görə, ləğv edilən Texniki İstismar şöbəsinin müdiri Səməd Əliyev yeni yaradılan İstismar Departamentinin rəisi vəzifəsinə təyin olunub.
Bununla bağlı qərar "Azəriqaz" İstehsalat Birliyinin baş direktoru Azər Məmmədovun imzaladığı müvafiq əmrlə rəsmiləşdirilib.
Yeni struktur dəyişikliklərinin qurumun fəaliyyətinin daha səmərəli təşkili və idarəetmənin təkmilləşdirilməsi məqsədi daşıdığı bildirilir.
