Nepal və Çin sərhədində baş verən güclü daşqınlar nəticəsində ölənlərin sayı 1 355 nəfərə yüksəlib.

Məlumata görə, təbii fəlakət nəticəsində təxminən 4 800 nəfər itkin düşmüş hesab olunur. Əvvəlki məlumatlarda ölənlərin sayının 1 344 nəfər olduğu bildirilirdi.

Hadisə avqustun 26-da Nepalın şimalında qeydə alınıb. Daşqına qar uçqununun səbəb olduğu, nəticədə böyük qaya və palçıq kütləsinin çay yatağı boyunca yüksək sürətlə hərəkət edərək 70 kilometrdən artıq məsafədə geniş əraziləri su altında qoyduğu bildirilir.

Təbii fəlakət Çin ərazisində də ciddi fəsadlara səbəb olub. Son məlumatlara əsasən, burada 43 nəfər ölüb, 519 nəfər isə itkin düşüb.

Xilasetmə və axtarış işləri davam etdirilir.