Sumqayıt şəhərinin 34-cü məhəlləsində yerləşən beşmərtəbəli yaşayış binasında yanğın baş verib.

Abatv.az xəbər verir ki, hadisə barədə Fövqəladə Hallar Nazirliyinə məlumat daxil olub.

Məlumat daxil olduqdan dərhal sonra FHN-in Dövlət Yanğından Mühafizə Xidmətinin Sumqayıt Şəhər Yanğından Mühafizə İdarəsinin qüvvələri hadisə yerinə cəlb olunub.

Həyata keçirilən zəruri və təxirəsalınmaz tədbirlər nəticəsində binanın pilləkən qəfəsində quraşdırılmış elektrik lövhəsində baş verən yanğın qısa müddətdə söndürülüb.

Yanğının genişlənərək mənzillərə keçməsinin qarşısı alınıb. Hadisə zamanı 2 poqonometr elektrik kabeli və 6 elektrik sayğacı yanıb.

Təhlükəsizlik tədbirləri çərçivəsində binada yaşayan 6 nəfər, o cümlədən 2 azyaşlı təxliyə edilib.

Yanğın nəticəsində yaşayış binası və mənzillər yanğından mühafizə olunub.