Leyla Əliyeva Arkadağ şəhərində atüstü oyunlar qrupunun çıxışını izləyib
Heydər Əliyev Fondunun vitse-prezidenti Leyla Əliyeva oktyabrın 19-da Türkmənistanın Arkadağ şəhərində yerləşən Göroğlu adına Dövlət Atçılıq Sirkində olub və Türkmənistan prezidentinin Ahal-təkə atçılıq kompleksinin “Galkynyş” milli atüstü oyunlar qrupunun çıxışını izləyib.
Abatv.az xəbər verir ki, “Galkynyş” qrupu at üstündə nümayiş etdirdiyi mürəkkəb hərəkətlər və rəngarəng nömrələrlə tamaşaçıların diqqətini cəlb edib.
Tədbir çərçivəsində Türkmənistan Dövlət Sirkinin, eləcə də Arkadağ şəhərindəki Göroğlu adına Dövlət Atçılıq Sirkinin artist və akrobatları da maraqlı səhnə nömrələri ilə çıxış ediblər.
Sirk proqramı tamaşaçılara atçılıq sənətinin incəliklərini, peşəkar ifaçıların məharətini və səhnə sənətinin müxtəlif nümunələrini nümayiş etdirib.
