Azərbaycan hüquq ictimaiyyətinə ağır itki üz verib.

Abatv.az xəbər verir ki, uzun illər məhkəmə sədri vəzifəsində çalışmış, hazırda Azərbaycan Respublikası Vəkillər Kollegiyasının Ağsaqqallar Şurasının sədri, "Ədalət" Vəkil Bürosunun vəkili, respublikanın Əməkdar hüquqşünası İkram Kərimov vəfat edib.

Məlumata görə, İkram Kərimov 84 yaşında dünyasını dəyişib.

Qeyd edək ki, İkram Kərimov uzun illər hüquq-mühafizə və məhkəmə sistemində səmərəli fəaliyyəti ilə seçilib. O, müxtəlif məsul vəzifələrdə çalışaraq Azərbaycan məhkəmə-hüquq sisteminin inkişafına mühüm töhfələr verib. Son illərdə isə Vəkillər Kollegiyasının Ağsaqqallar Şurasının sədri və "Ədalət" Vəkil Bürosunun vəkili kimi fəaliyyət göstərirdi.

Allah rəhmət eləsin.