Lənkəranda müxtəlif şəxslərin pul vəsaitlərini mənimsəməkdə şübhəli bilinən əvvəllər məhkum olunmuş şəxs saxlanılıb.

ABATV.az xəbər verir ki, Daxili İşlər Nazirliyinin məlumatına görə, Lənkəran Şəhər Rayon Polis Şöbəsinin əməkdaşlarının keçirdikləri tədbirlər nəticəsində 44 yaşlı Ruhid Əliyev tutulub.

Araşdırma zamanı müəyyən edilib ki, R.Əliyev bankomatlardan pul çıxarmaqda çətinlik çəkən təqaüdçülərə kömək etmək bəhanəsindən istifadə edərək onların bank kartlarındakı pul vəsaitlərini ələ keçirib.

Polis əməkdaşlarının apardıqları araşdırmalar nəticəsində onun bu üsulla ümumilikdə 7 nəfərin pul vəsaitini taladığı müəyyən olunub.

Faktlarla bağlı cinayət işi başlanılıb. R.Əliyev barəsində məhkəmənin qərarı ilə həbs qətimkan tədbiri seçilib.

Hazırda cinayət işi üzrə araşdırma davam etdirilir.