Beyləqan rayonunda bir nəfərin kanalda batması ilə nəticələnən faciəvi hadisə baş verib.

Abatv.az xəbər verir ki, hadisə avqustun 6-da rayonun Birinci Şahsevən kəndi ərazisindən keçən Yeni Xan Qızı kanalında qeydə alınıb.

Məlumata görə, Amin Zamir oğlu Əhmədov kanalda çimərkən suda boğulub. Hazırda onun meyitinin tapılması istiqamətində aidiyyəti qurumlar tərəfindən axtarış-xilasetmə tədbirləri davam etdirilir.

Faktla bağlı Beyləqan Rayon Prokurorluğunda araşdırma aparılır.

Hadisənin başvermə səbəbləri və digər təfərrüatlar araşdırmanın nəticəsinə uyğun olaraq açıqlanacaq.