Şahbuz rayonunda ölümlə nəticələnən yol-nəqliyyat hadisəsi baş verib.

ABATV.az xəbər verir ki, hadisə Şahbuz-Batabat magistralında qeydə alınıb.

Məlumata görə, hərəkətdə olan VAZ-21013 markalı avtomobil idarəetmədən çıxaraq aşıb. Qəza nəticəsində avtomobildə olan Biçənək kənd sakini, 1950-ci il təvəllüdlü Əsli Cəlil qızı Cəlilova aldığı xəsarətlərdən hadisə yerində həyatını itirib.

Hadisə yerinə hüquq-mühafizə orqanlarının əməkdaşları cəlb olunublar.

Faktla bağlı araşdırma aparılır. Qəzanın başvermə səbəbləri araşdırma zamanı müəyyənləşdiriləcək.