Rusiya Minifutbol Assosiasiyasının prezidenti Emil Əliyev növbəti dəfə bu vəzifəyə seçilib.

ABATV.az xəbər verir ki, TASS-ın məlumatına görə, Emil Əliyev təşkilatın hesabat-seçki konfransında keçirilən seçkilər nəticəsində növbəti beşillik müddətə Rusiya Minifutbol Assosiasiyasının prezidenti vəzifəsində fəaliyyətini davam etdirəcək.

Assosiasiyanın əməkdaşı bildirib ki, Emil Əliyev növbəti beşillik dövr üçün təşkilatın prezidenti seçilib.

Qeyd edək ki, Emil Əliyev 2011-ci ildən Rusiya Minifutbol Assosiasiyasına rəhbərlik edir. O, 2016 və 2021-ci illərdə keçirilən seçkilərdə də prezident vəzifəsinə yenidən seçilib.

Emil Əliyev bundan əvvəl də Rusiya minifutbolunda müxtəlif rəhbər vəzifələrdə çalışıb. O, 2003-cü ildən Superliqanın icraçı direktoru, 2005-ci ildən isə Rusiya Minifutbol Assosiasiyasının baş direktoru vəzifəsində fəaliyyət göstərib.

Əslən Bakıdandır

Emil Əliyevin Azərbaycanla bağlılığı da diqqət çəkir. O, 1978-ci ildə Bakı şəhərində anadan olub.

Pedaqoji elmlər doktoru və professor olan Emil Əliyev Rusiyanın əməkdar bədən tərbiyəsi xadimidir. O, eyni zamanda bədən tərbiyəsi və idman sahəsinə dair bir sıra elmi əsərlərin müəllifidir.

Emil Əliyevin uzun illərdir Rusiya minifutboluna rəhbərlik etməsi və növbəti dəfə bu vəzifəyə seçilməsi onun idman idarəçiliyindəki fəaliyyətinin davamı kimi qiymətləndirilir.