Azərbaycanın beynəlxalq dərəcəli hakim-inspektoru Asim Xudiyev UEFA tərəfindən növbəti dəfə məsul oyuna təyin olunub.

ABATV.az xəbər verir ki, bu barədə Azərbaycan Futbol Federasiyaları Assosiasiyası (AFFA) məlumat yayıb.

AFFA-nın açıqlamasına əsasən, Asim Xudiyev UEFA Konfrans Liqasının II təsnifat mərhələsi çərçivəsində keçiriləcək "Jelezniçar" (Serbiya) – "Braqa" (Portuqaliya) qarşılaşmasının hakim-inspektoru vəzifəsini icra edəcək.

Görüş iyulun 22-də Serbiyanın Pançevo şəhərində yerləşən "Mladost" stadionunda baş tutacaq.

Qeyd edək ki, Asim Xudiyevin UEFA tərəfindən növbəti dəfə beynəlxalq oyuna təyin olunması Azərbaycan hakimliyinə göstərilən etimadın və ölkə futbolunun beynəlxalq arenadakı nüfuzunun daha bir göstəricisi hesab olunur.