Qlobal enerji bazarlarında neft qiymətləri əvvəlki sessiyada qeydə alınan kəskin bahalaşmadan sonra cüzi geriləyib.

AbaTV.az xəbər verir ki, Londonun ICE birjasında sentyabr ayı üzrə "Brent" markalı neftin füçersləri Bakı vaxtı ilə saat 09:15-ə olan məlumata əsasən 0.43 dollar və ya 0.43 faiz ucuzlaşaraq bir barel üçün 100.26 dollar təşkil edib.

Qeyd edək ki, əvvəlki ticarət sessiyasında "Brent" markalı neftin qiyməti 6.62 dollar və ya 7 faiz artaraq 100.69 dollara yüksəlmişdi.

Nyu-York Əmtəə Birjasında (NYMEX) isə sentyabr ayı üzrə WTI markalı xam neftin füçersləri 0.53 dollar və ya 0.57 faiz azalaraq 91.66 dollar səviyyəsində qərarlaşıb.

Bundan əvvəlki sessiyada isə WTI markalı neft 5.36 dollar və ya 6.2 faiz bahalaşaraq bir bareli 92.19 dollara satılmışdı.

Analitiklər qeyd edirlər ki, qlobal enerji bazarlarında qiymət dəyişiklikləri geosiyasi proseslər, tədarük həcmləri və investorların gözləntiləri fonunda formalaşmağa davam edir.