Cəlilabad rayonunun 44 yaşayış məntəqəsində elektrik enerjisinin verilişində müvəqqəti fasilə yaranacaq.

Abatv.az xəbər verir ki, bu barədə Cəlilabad Rayon İcra Hakimiyyəti məlumat yayıb.

Bildirilib ki, sentyabrın 4-də saat 10:00-dan 13:00-dək yararsız naqillərin yenilənməsi işləri ilə əlaqədar rayonun bir sıra kəndlərində elektrik enerjisinin təchizatı dayandırılacaq.

Fasilə Kövüzbulaq, Zəhmətabad, Edişə Musalı, Ləkin, Əsədli, Şatırlı, Badamağac, Buravar, Qarakazımlı, Dələli, Moranlı, Sarxanlı, Zərbəli, Mikayıllı, Qarğılı, Təklə, Abazallı, Babalı, Boyxanlı, Məlikqasımlı, Məşədilər, Dostallı, Novruzallı, Şötüklü, Yusifli, Cəngan, Ağusəm, Çinar, Fərəcullalı, Ləzran, Soltankənd, Tahirli, Cəlayir, Lallar, Mirzəli, Xanəgah, Çəmənli, Pərdi, Türkelli, Şorbaçı, Mədətli, Məmmədrzalı və Şükürlü kəndlərini əhatə edəcək.

Qeyd olunan ərazilər üzrə ümumilikdə 8 033 abonentin elektrik enerjisi ilə təchizatında fasilə yaranacağı gözlənilir.

Elektrik enerjisinin verilişinin aparılan işlər başa çatdıqdan sonra bərpa olunması nəzərdə tutulur.