Mingəçevirdə Kür çayının sahilində “Kürü keçək?! 5” açıq suda üzmə yarışı keçirilib.

Abatv.az xəbər verir ki, yarış Gənclər və İdman Nazirliyi, Azərbaycan Üzgüçülük Federasiyası və Bakı Şəhər Halqası Əməliyyat Şirkətinin birgə təşkilatçılığı ilə baş tutub.

Sağlam həyat tərzinin təşviqi, su idman növlərinin təbliği və bu istiqamətin daha geniş yayılması məqsədilə keçirilən “Kürü keçək?!” yarışı Mingəçevərdə artıq beşinci dəfə təşkil olunur.

Bu il yarış ilk dəfə olaraq 350 metr və 1000 metr olmaqla iki məsafə üzrə keçirilib. Yarışda ümumilikdə 616 iştirakçı mübarizə aparıb. Onlardan 505 nəfər 350 metr, 111 nəfər isə 1000 metr məsafədə iştirak edib.

Yarışın ən diqqətçəkən məqamlarından biri iştirakçıların yaş aralığının geniş olmasıdır. Belə ki, yarışda 12 yaşdan 79 yaşadək üzgüçülər iştirak ediblər.

İştirakçılar qadınlar və kişilər arasında yaş kateqoriyalarına bölünərək mübarizə aparıblar.

350 metr məsafə üzrə qaliblər

12-17 yaş, qızlar:

🥇 Aleksandra Slepenko

12-17 yaş, oğlanlar:

🥇 Yusif Sofiyev

18-23 yaş, qızlar:

🥇 Gülarə Nəzərova

18-23 yaş, oğlanlar:

🥇 Matsvey Danilau

24-35 yaş, qızlar:

🥇 Tubu Abdulzade

24-35 yaş, oğlanlar:

🥇 Hüseyn İsmayıllı

36-55 yaş, qadınlar:

🥇 Yelena Dubentsova

36-55 yaş, kişilər:

🥇 Roman Vladıka

56-70 yaş, qadınlar:

🥇 Natalya Baykova

56-70 yaş, kişilər:

🥇 Pyotr Kuvşinov

71 yaşdan yuxarı, kişilər:

🥇 Vaqif Nəsibov

1000 metr məsafə üzrə qaliblər

12-17 yaş, qızlar:

🥇 Məryam Cavadova

12-17 yaş, oğlanlar:

🥇 Fərhad Şirməmmədli

18-23 yaş, qızlar:

🥇 Alisa Belaya

18-23 yaş, oğlanlar:

🥇 Səid Həmidov

24-35 yaş, qızlar:

🥇 Fatimə Alkərəmova

24-35 yaş, oğlanlar:

🥇 Zaur Arkaniya

36-55 yaş, qadınlar:

🥇 Natalya Mordasova

36-55 yaş, kişilər:

🥇 Roman Qalavatskiy

56-70 yaş, qadınlar:

🥇 Olena Timçenko

56-70 yaş, kişilər:

🥇 Anatoliy Baykov

Yarışın sonunda qaliblərə mükafatları Gənclər və idman naziri Fərid Qayıbov, Azərbaycan Üzgüçülük Federasiyasının prezidenti Zaur Əliyev və digər təşkilatçılar təqdim ediblər.

Qeyd edək ki, “Kürü keçək?!” layihəsinin ildən-ilə daha çox iştirakçını bir araya gətirməsi Azərbaycanda açıq suda üzgüçülüyə marağın artdığını göstərir. Mingəçevirdə keçirilən yarış həm idmançılar, həm də sağlam həyat tərzini seçən insanlar üçün mühüm idman tədbirlərindən birinə çevrilib.